*माजी पंतप्रधान मनमोहन सिंह यांच निधन, 7 दिवस राष्ट्रीय दुखवटा, दिग्गजांकडून श्रद्धांजली*
*माजी पंतप्रधान मनमोहन सिंह यांच निधन, 7 दिवस राष्ट्रीय दुखवटा, दिग्गजांकडून श्रद्धांजली*
माजी पंतप्रधान डॉ. मनमोहन सिंग यांच्या निधनानंतर देशात 7 दिवसांचा शासकीय दुःखवटा जाहीर करण्यात आला आहे. या काळात देशातील सर्व सरकारी कार्यक्रम रद्द करण्यात आले आहेत. तसेच राष्ट्रध्वज अर्ध्यावर फडकवला जाणार आहे.
भारताचे माजी पंतप्रधान डॉ. मनमोहन सिंग यांचे काल (२६ डिसेंबर) निधन झाले. ते ९२ वर्षांचे होते. दिल्लीतील एम्स रुग्णालयात त्यांनी अखेरचा श्वास घेतला. मनमोहन सिंग यांची प्रकृती चिंताजनक असल्याने त्यांना दिल्लीतील एम्स रुग्णालयात दाखल करण्यात आलं होतं. मात्र उपचारादरम्यान त्यांची प्राणज्योत मालवली. माजी पंतप्रधान मनमोहन सिंग यांच्या निधनाने संपूर्ण देशभरात हळहळ व्यक्त केली जात आहे.
*पार्थिव दिल्लीतील निवासस्थानी अंत्यदर्शनासाठी ठेवले जाणार*
मनमोहन सिंग यांच्या पार्थिवावर उद्या (शनिवार २८ डिसेंबर) अंत्यसंस्कार केले जाणार असल्याचे बोललं जात आहे. मनमोहन सिंग यांच्या पार्थिवावर शनिवारी अंत्यसंस्कार करण्यात येणार असल्याची शक्यता वर्तवली जात आहे. मात्र अद्याप याबद्दल अधिकृत घोषणा करण्यात आलेली नाही. आज दिवसभर मनमोहन सिंग यांचे पार्थिव दिल्लीतील ३ मोतीलाल मार्ग या त्यांच्या निवासस्थानी अंत्यदर्शनासाठी ठेवण्यात येईल.
W News channel 8879726577
Chief Editor Nazeer Wagu
Reported by Irfan Shaikh